 |
| Omslag: Jesper Egemar |
Eg er i skrivande stund i gang med korrekturen, snart går boka i trykken, og 15. oktober kjem ho til ein bokhandel nær deg.
Det er vel unødvendig å seie at eg både gler meg og er veldig spent!
Ungen handlar om kva eit barn er verd om det er fødd utanfor ekteskap, av fattige foreldre som ikkje kan ta seg av det, eller som endå eit tilskot til ein allereie altfor stor barneflokk; boka handlar om kva som kan få ei kvinne, som sjølv har vore mor, til å vanskøytte, mishandle eller rett og slett drepe eit uskuldig spedbarn, og ho handlar om kva fattigdom og fornedring kan føre til, og kva det å leve på kanten av stupet kan gjere med eit menneske.
Handlinga i romanen er fiksjon, men er sterkt basert på det som er den verste barnedrapssaka i Noregshistoria, som fram til eg grov henne fram frå gløymsla og skreiv artikkelen Englemakerskene i Tobias (Tidsskrift for Osloshistorie) i 2012, har vore relativt ukjend - og i stor grad framleis er det.
I 1901 blei fleire kvinner stilt for retten i Kristiania, skulda for å ha medverka til at fleirfaldige spedborn hadde døydd medan dei var i deira pleie. Saka gjekk under namnet pleiemødresaka, førte til stor offentleg forarging og debatt, og kvinnene fekk seinare tilnamnet englemakerskene, fordi dei hadde gjort små born om til englar.
I Ungen møter vi Anna, som mistar arbeidet som tenestejente under krakket i Kristiania i 1899; ei økonomisk krise som førte til stor fattigdom og massearbeidsløyse i hovudstaden. I si naud tyr ho til veninna Pauline, og saman startar dei ein geskjeft som skal vise seg å få alvorlege følgjer: dei byrjar å ta til seg pleieborn mot betaling.
Om du vil vite meir om romanen og om den verkelege pleiemødresaka, kan du lese forlaget sin omtale av Ungen HER, artikkelen min HER (på side 4), og eit intervju med meg om englemakerskene HER.
Og viss du er ein bokbloggar som er interessert i å lese boka, kan du gi eit lite pip, så skal eg sørge for at du får tilsendt eit frieksemplar av romanen når han kjem ut.
2 kommentarer:
Heisann Aina, gratulerer igjen med ny bok - skal bli spennende å se! T.o. en etterkommer forsøker visst å nøste litt!
Jeg heter Lydia Andrea. Da mannen min forlot meg var jeg traumatisert og knust og klarte ikke å ta meg sammen på flere måneder. Jeg gjorde alt jeg kunne for å få den tilbake, men til ingen nytte. Jeg dro til en annen by i håp om å starte på nytt. Jeg kom i kontakt med en annen mann som jeg prøvde så godt jeg kunne å være sammen med, men jeg kunne ikke fordi jeg ikke kunne elske ham. Jeg visste at jeg fortsatt elsket og ville ha mannen min tilbake. Så jeg begynte å lete etter hjelp og det var da jeg fant DR GIDEON fra forskjellige synsvinkler, jeg leste om ham. Jeg snakket og fikk ham til å forstå alt jeg trengte å vite, og jeg trodde på ham og fulgte prosedyrene. Han jobbet for meg og gjenopprettet kjærligheten og forbindelsen mellom meg og mannen min, og etter 48 timer som han lovet så mannen min etter meg og vi snakket og han kom ned for å se meg hvor jeg var og jeg fant opp ting og jeg ble glad nye sammen. DR GIDEON er pålitelig og kan hjelpe deg også hvis du kontakter ham for noe. WhatsApp dem på +2347042191323
E-post: drgideon611@gmail.com
Legg inn en kommentar