24. august 2008

Berre dagar seinare

Der er eit gult lys
i fjøsen om kvelden
Over glaskuplane
ligg eit tynt lag
av pust og ullfeitt

Tippoldefar byggjer fjøsen
Han legg mørtel mellom steinane
og smir trenaglar med tollekniven
Oldefar sit på hoggestabben
Han skriv med kløyvde blyantstumpar
Farfar kardar hesten i lange tak
Far står i fjøsdøra
Lutar seg mot greipa
og lyder mot fjella

Dei ser meg kome
og legg frå seg arbeidet

Frå Hilde Myklebust: Berre dagar seinare (2005)

3 kommentarer:

Tove sa...

Berre dagar seinare er ei nydeleg diktsamling!

Lille søster sa...

Enig, den er veldig fin. Gleder meg til å lese den neste.

Aina sa...

Eg òg. Og det blir nok ikkje så lenge til!