19. september 2008

Vil skremme ungdommen

Gårsavisene var fulle av interessant bokstoff, og då tenker eg særleg på Dagbladets bokbilag som baud på sjeldant interessant lesing frå den kanten.

I tillegg til eit fint intervju med ein av mine nye favorittar, Doris Lessing (skrive av Thomas J. R. Marthinsen, som mange kjenner frå bloggverda), var det også til ei forandring ein del stoff om barne- og ungdomsbøker, eller helst kanskje om eit par kjende forfattarar som også skriv for barn og unge. Jo Nesbø var sjølvsagt vigd eit par sider, men det mest interessante var intervjuet med Johan Harstad, som no er aktuell med ungdomsromanen Darlah - 172 timer på månen, som ikkje er skriven for å fortelje noko anna enn ei god historie, og som har som mål å skremme ungdommen litt, gjerne gi dei ei ekkel kjensle når dei ser månen på himmelen.

Harstad seier også noko bra om ungdomskulturen, som han meiner er undervurdert. Eg håper desse forfattarkjendisane kan vere med på å auke medvitenheita om barne- og ungdomslitteraturen på eit generelt plan.

2 kommentarer:

Thomas sa...

Takk for hyggelig tilbakemelding, Aina. Det gjør det verdt å kjempe for å få lov til å skrive sånne saker, intervjue slike mennesker. =)

Aina Basso sa...

Ja, det må vere litt av ei oppleving. Eg er glad det finst gode journalistar som kan skrive godt og klokt om gode og kloke menneske!