1. juni 2007

Eit gammalt sitat

Lucy Maud Montgomery
Eg les ei barne- og ungdomsbok frå 1930-talet, skrive av ein av mine yndlingsforfattarar frå då eg var yngre, den kanadiske Lucy Maud Montgomery. Boka eg held på med no, les eg nok meir av nostalgiske grunnar, enn av litterære. L. M. Montgomery har eit litt for romantisk språk etter mine kritiske 2007- auge, så det er ikkje i språket eg vanlegvis finn glede, men i dei fine historiene om ungjenter på Prince Edwards Island i byrjinga av det førre hundreåret.

Men der var éi fin setning som festa seg hjå meg i går kveld. Den skapte slikt eit tydeleg bilete av landskapet, eg såg det så klart, kjende endåtil korleis lufta må ha vore den kvelden, korleis det må ha lukta der ute på markane:

"by fields that seemed made of sunshine and silence"

Sitatet er henta frå Pat of Silver Bush, s. 71.

2 kommentarer:

kristine sa...

Det som er morsomt med Mongomery er at hun skrev både hurtigmat noveller til dameblader og kvalitetsromaner for barn. Og innen begge sjangrene bruker hun mye metaforer og beskrivelser. Men kvaliteten er ulik. I damebladene forventes det at man bruker klisjeer og det gjør hun, men noen ganger finner hun på noe flott. Er litt overrasket over at hun presterer det i Pat bøkene, som jeg oppfatter som litt av et hastverksarbeid.

Aina sa...

Ja, men eg har ikkje sett nokre andre glimt som dette så langt (eg er vel komen til rundt side 75), så det er godt muleg at ho kun har dette eine.