Aina Basso

Skogen er eit nettverk av stenglar og røter. Ei endelaus forgreining under jorda, av røter kring røter, røter filtra i røter vikla i røter, knytt saman, som armar, som hender under jorda, fingrar fletta i fingrar, breier seg utover, tre og vokstrar tett i tett over jorda, og under dei, fingrane som held kvarandre, som trykker, knip og flettar seg inn i kvarandre, som fortel kvarandre med ørsmå trykk: no fell eit tre sju mil unna, no bryt ein stengel mold ved elva.

16. juni 2007

Breakfast at Tiffany´s

"He was a middle-aged child that had never shed its baby fat, though some gifted tailor had almost succeded in camouflaging his plump and spankable bottom."

Eg måtte le då eg las denne setninga på side 37, med tanke på Truman Capotes umiskjennelege seksuelle legning, og førestillinga om kva insinuasjonen kunne gjere med munnfullen breakfast cereal hos ei pynteleg, amerikansk femtitalshusmor.