Sommaren

Slike lyse kveldar, og sandstrender.

Det har stilna. Etter ein hektisk vinter og vår har sommaroa kome, eg har så vidt påbyrja mitt halvår med fulltidsskriving og har allereie krope inn i teksten igjen: som om startpistolen har gått av og eg har byrja springe, men roleg først, for bana er lang.

Denne sommaren blir ein kombinasjonssommar, ferie og skriving om kvarandre, utan struktur, sunnmørstur og osloveker. Og lesesommar. Eg har tenkt å lese ein del, tung og lett, helst ein god del, helst på ei solseng i hagen.

God sommar, eg trur han blir fin, med lyse kveldar og sandstrender, med høgt, grønt gras og fuglar.