Opplevingar som klebar seg

Det er ikkje første gongen eg les Enkelte dikt. Og då eg las i Enkelte dikt i går såg eg plutseleg føre meg ein t-banetur på Sognsvannsbanen. Eg er på veg nedover, eg er nesten på Ullevål stadion, eg ser opp, det er sol, det er kollar, eit tårn, eg tenker: Går det verkeleg an å skrive dikt om dikt? Det må vere to eller tre år sidan. Eg smiler for meg sjølv. Eg les andre selveierdikt og smiler over at det går an å skrive at ein søker eit nytt dikt, maks 6500 i månaden, eit 1-romsdikt, 2-romsdikt, eit hjørnedikt, eit aksjedikt.