Please Mr. Postman

Etter iPodens inntreden i mi verd har mykje fin og kjekk musikk funne vegen (tilbake) til kvardagen min.
Ein av desse er låten Please Mr. Postman med The Marvelettes - endå ei av desse fine Motown-gruppene frå sekstitalet.

Noko som slår meg er kor utdatert denne songen er, om ikkje i bodskap, så i teknologi. I dag måtte han vel heller vere adressert til e-postkontoen din eller mobiltelefonen. Litt trist, eigentleg, det var no igrunnen kjekt å få handskrivne kjærleiksbrev i postkassa.

Det er litt dårleg kvalitet på denne videoen, men som alle originalversjonar er han likevel langt betre enn alle seinare versjonar, sjølv om ein av dei er med The Beatles.