Eg var ikkje van med teiknefilmar utanom barne-tv-tid, så Sky Channel var heilt fantastisk for eit takknemleg barnesinn. Og eg hugsar spesielt teiknefilmane eg seinare har identifisert som typisk japanske utifrå stilen på figurane, dei såkalla animé-filmane.
I helga fekk eg endeleg sett den japanske animasjonsfilmen Min nabo Totoro av Hayao Miyazaki. De hugsar kanskje at eg har nemnt filmen før, men då hadde eg berre lese om han, nærare bestemt i Dag og Tid, som mildt sagt hadde problemer med å få tittelen riktig.
Chihiro og heksene er ein ganske skummel film, om vesle Chihiro som forvillar seg inn i ein tilsynelatande forlatt hekseby saman med foreldra sine. Foreldra tek føre seg av den gode maten som står fritt tilgjengeleg på ein gaterestaurant, og blir snart omgjort til grisar. Chihiro må redde seg ved å ta arbeid hos sjefsheksa, og filmen handlar om hennar kamp for å få frigitt seg sjølv og foreldra sine frå slaveriet.
Ein far med sine to små døtrer flyttar til eit gammalt hus ved ein stor skog, medan mor deira er på sjukehuset. I skogen er det eit digert tre, og veslesøster Mei finn snart ein veg inn i treet og til det venlege trollet Totoro.
Filmen handlar om redsla for at mor skal døy, ein snill, men fråverande far, og to jenter som søker hjelp og trøyst i eit venlegsinna nabotroll.
1 kommentar:
Min nabo Totoro er en av favoritt-filmene mine! Chihiro og heksene er heller ikke så aller verst=)
Legg inn en kommentar